अपडेट : हुम्लामा फिस्टेल एयरको हेलिकोप्टर दुर्घटना, १ को मृत्यु, ५ घाइते

५ असार, काठमाडौं । हुम्लाको तुम्कोट फिस्टेल एयरको हेलिकोप्टर दुर्घटना हुँदा एक जनाको मृत्यु भएको छ । ५ जना घाइते भएका छन् । घाइते मध्ये ३ जनाको अवस्था गम्भीर रहेको छ ।

हेलिकोप्टरमा पाइलट डेभिड, फिल्टेलका विलक श्रेष्ठ, गोमा एयरका कर्मचारीद्वय एडी शेर्पा, प्रज्वल भट्टराई र हुम्ला टावरका कर्मचारी टेकबहादुर तापली र स्थानीय गोविन्द लामा रहेका छन् । केही दिनअघि मानसरोवर कैलाश घुम्न गएको र उद्दारका लागि हेलिकोप्टर गएको फिस्टेलमा एक्जुकेटिभ म्यानेजर अपरेशन श्रीहरी कुँइकेलले अनलाइनखबरलाई जानकारी दिनुभयो ।

सिमिकोटमा ४ बजेर २० मिनेटमा ल्याण्ड हुनु पर्ने हेलिकोप्टर नआएपछि खोजी गर्दा दुर्घटना भएको भेटिएको स्रोतले बताएको छ । दुर्घटनामा के कति क्षति भयो खुल्न सकेको छैन । उद्दारका लागि नेपालगञ्जबाट फिस्टेल एयरको अर्को हेलिकोप्टर गएको छ भने प्रहरीको टोली पुग्दैछ । प्रहरीका अनुसार घटनास्थल सदरमुकामबाट २ दिनको पैदलदुरीमा पर्छ ।