३३ दलले आह्वान गरेको भोलिको बन्द फिर्ता

काठमाडौं –  नेकपा–माओवादीसहित ३३ दलले आह्वान गरेको भोलिको नेपाल बन्द फिर्ता भएको छ। नेवार समुदायको महत्वपूर्ण चाड रातो मच्छेन्द्रनाथको जात्रा तथा अक्षय त्रितिया परेकाले बन्द फिर्ता लिएको क्रान्तिकारी कम्युनिष्ट पार्टी नेपालका महासचिव मणि थापाले बताए। लोकमानसिंह कार्कीलाई अख्तियार प्रमुखमा नियुक्तिको विरोध गर्दै ३३ दलले बन्दको आह्वान गरेका थिए।

कार्की नियुक्तिको विरोधमा आह्वान गरिएको अर्को बन्द हिजो विद्यार्थी संगठनहरुले पनि फिर्ता लिएका थिए।